Berenice Skhair, ish e dashura e Emiliano Salas, e ka publikuar një mesazh prekës, të cilin ia ka dedikuar lojtarit i cili u zhduk bashkë me aeroplanin privat me të cilin po udhëtonte të hënën, nga Franca në Uells.
Policia e Francës dhe klubi Nantes e konfirmuan dje se Sala ishte njëri ndër dy personat të cilët kishin udhëtuar me atë aeroplan mbrëmë. Aeroplani u zhduk pasi e humbi kontaktin me qendrën në Casquets.

“Mos i ndaloni kërkimet për të, ju lutem. Nuk mund ta kuptoj këtë aksident ose ta kuptoj faktin që ata e kanë suspenduar kërkimit për shkak të motit të keq. Nuk mund ta besoj se ata e kanë suspenduar kërkimin deri nesër, po humbin kohë”, ka shkruar Skhair.

“Nuk mund të ndalem duke menduar për ty ose të mendoj se ti je mirë dhe i sigurt. A kanë afat skadimi ëndrrat? Më së shumti pendohem që nuk të kam treguar për gjithë atë që e ndiej nga zemra”.

“Nuk di si ta shpreh veten dhe kjo është diçka që unë do të tentoj ta mësoj. Ata që më njohin mua, e dinë se si më shkëlqejnë sytë kur flas për ty. Jam me fat që të kam njohur. E kam zemrën e thyer dhe nuk mund ta pranoj këtë. Kam besim dhe shpresë!”

Kërkimi për ta gjetur Salan dhe bashkudhëtarin e tij u ndalën mbrëmë, ndërsa sot policia i ka filluar kërkimet përsëri. Policia beson se Sala dhe piloti mund të kenë shpëtuar, duke u futur në një varkë shpëtimi.

Sala kishte udhëtuar me të njëjtin aeroplan edhe për udhëtimin e tij nga Cardiffi në Francë dhe sapo kishte zbritur, u kishte thënë miqve dhe ish-bashkëlojtarëve të tij se udhëtimi nuk kishte qenë i rehatshëm.

Kur e nisi udhëtimin për t’u kthyer te klubi i tij i ri, Sala i dërgoi mesazh miqve të tij duke i thënë se aeroplani ishte duke i bërë disa zhurma të çuditshme. Disa mediat angleze raportuan se aeroplani e kishte pasur të vështirë edhe të nisej dhe kishte katër apo pesë deri sa më në fund u nis.

Cardiff City e kishte zyrtarizuar transferimin e Salas nga Nandes për 17 milionë euro të shtunën dhe Sala ishte kthyer në Francë për t’u thënë lamtumirë ish-bashkëlojtarëve të tij para se ta fillonte pjesën e mbetur të sezonit me klubin e ri.