Trajneri Gareth Southgate nuk ka kursyer kritikat ndaj lojtarëve të Anglisë.

Në një reagim për mediat, Southgate nuk ka kursyer elozhet edhe për përfaqësuesen e Kosovës e cila sipas tij ka mundësi reale për tu kualifikuar në Europian.

“Ishte një ndeshje gabimesh. Në sulm treguam karakter dhe shënuam gola të bukur por në mbrojtje ishim katastrofë. Duhet të përmirësohemi në këtë repart, komplimente edhe Kosovës që ka një skuadër shumë të mirë dhe ka realisht shanse të shkojë në Europian”, nënvizoi Gareth Southgate.

Kujtojmë që mbrëmjen e djeshme Kosova është mposhtur për herë të parë pas 16 ndeshjesh.

“Dardanët” humbën me rezultat 5-3 në Southampton përballë Anglisë në ndeshjen e rëndësishme për fatet e kualifikimit në Kampionatin Europian.