Shqipëria bie në Turqi vetëm në minutën e 90-të, pas një qëndrese të fortë, ku krijoi dhe raste ideale shënimi me anë të Rei Manajt, që në ëndrra do të shohë gjatë golat e “ngrënë” dhe në fund e pësoi vetëm pas daljes aventurske të Strakoshës!

Një humbje e pamerituar, një sfidë ku pika për secilën skuadër do të ishte rezultati më i drejtë, por siç ka ndodhur shpeshherë në të shkuarën, e kemi pësuar nga gabimet tona dhe në fund të takimit! Matematikisht jemi në valle, por praktikisht Shqipëria është jashtë Euro2020!