Flamurtari dhe Skënderbeu sot u ndanë barazim 1-1 në ndeshjen e javës së 10-të të Superligës shqiptare. Skuadra bardhekuqe dha sinjale jete me lojën mjaft bindëse dhe me golin e Dejbi Bregut në të 23′, por vlonjatët ditën të reagonin duke marrë një pikë me golin e Xhevahir Sukajt në të 41′. Me po të njëjtat shifra u mbyll dhe pjesa e dytë. Flamurtari e sheh veten në fund të tabelës së klasifikimit me 3 pikë, kurse Skënderbeut ky rezultat nuk është se i shërbeu, sepse renditet i shtati me 14 pikë. Me 4 pikë më shumë se Skënderbeu është Partizani. Skuadra e kuqe sot gjithashti barazoi pa gola në përballjen ndaj Kukësit. Kjo ishte ndeshja mbyllëse e kësaj jave në kampionatin shqiptar.