Përballja mes Holandës dhe Ukrainës është sfida më spektakolare gjatë këtyre ditëve të para të Kampionatit Europian.

“Tulipanët” fituan me rezultatin 3-2 në një ndeshje me shumë emocione e zhvilluar në "Johan Cruijff Arena" të Amsterdamit e vlefshme për Grupin C të “Euro 2020”.

5 golat u realizuan të gjitha në pjesën e dytë. Ishte Georginio Wijnaldum që zhbllokoi rezultatin (52′). Weghorst dyfishoi avantazhin pas shtatë minutave, duke përfituar nga një gabimi i mbrojtësit kundërshtar (59′).

Ukraina nuk u dorëzua dhe ia doli ta barazoi rezultatin brenda 4 minutash. Fillimisht kapiteni Yarmolenko shënoi supergol nga distanca (75′). Pastaj, Yaremchuk barazoi shifrat, duke shënuar me kokë (76′).

Kur të gjithë po prisnin vërshëllimën e fundit të gjyqtarit në skenë doli Dumfries që përfitoi nga harkimi i Ake dhe i solli fitoren Holandës (85′).

Holanda pas këtij triumfi renditet në vendin e dytë në Grupin C me 3 pikë, po aq sa kryesuesit Austria që ka golavarazh më të mirë. /