Vazhdojnë të rriten të ardhurat e Manchester United që ka publikuar raportin e tremujorit të tretë të sezonit, që përfshin periudhën deri më 31 mars 2018.
Të ardhurat arritën në 137,5 milionë sterlina (rreth 157 milionë euro) në rritje me 8,1% krahasuar me të njëjtën periudhë të sezonit të kaluar (127,2 milionë). Rritja më e madhe lidhet me të ardhurat nga të drejtat televizive (+26.4%), por edhe nga shitja e biletave (+6.1%).
 Edhe kostot operative u rritën në 137,47 milionë sterlina krahasuar me të njëjtën periudhë të vitit të kaluar. Gjithsesi rritja e të ardhurave nuk e ka ulur ndikimin e kostove për personelin: nga janari në mars, raporti personel/xhiro ishte 54.6% krahasuar me 52.3% në të njëjtën periudhë të vitit 2017.