Zidane nuk do të jetë trajner i Real Madridit sezonin e ardhshëm.

Ai thotë se po e bën këtë sepse klubi ka nevojë për freski, për diçka të re.

Përmes një konference për media, Zinedine Zidane ka befasuar të gjithë duke deklaruar se po largohet nga Real Madridi pas më pak se 3 viteve, ku fitoi 9 tituj, veçuar tri Liga të Kampionëve, shkruan Gazeta Express.

Zizu tha se po e bën këtë sepse klubi ka nevojë për ndryshime, që të vazhdojë dhe të fitojë trofe, ashtu si viteve të fundit dhe se është momenti të bëhen ndryshime për të gjithë, edhe për lojtarët.

“Kam marrë vendim që të mos vazhdoj të jem trajner i Real Madridit”, tha Zizu.

“E mora këtë vendim sepse e dua më të mirën për këtë klub dhe mendoj që sot, për mua dhe për të gjithë, është më mirë të bëhen ndryshime dhe nuk do të vazhdoj vitin e ardhshëm”.