LEONIDHA MUSAJ/ Zbardhet deshmia e burrit qe vrau gruan me thike, krim makaber qe ndodhi ne sy te tre femijeve te vegjel te ciftit.

Bashkëshorti e qëlloi për vdekje me thikën e bukës nënën e tre fëmijëve të tij, Manjola Cuku, dhe më pas u arratis për rreth 16 orë në drejtim të paditu

Ngjarja e rëndë ndodhi mbrëmjen e së shtunës, rreth orës 23:55, në banesën e familjes Cuku, në fshatin Xhafzotaj të Durrësit.

Sipas Policisë, pas një konflikti për motive të dobëta, Lulëzim Cuku ka qëlluar tri herë me thikë bashkëshorten e tij, e cila ka ndërruar jetë në vend. Burimet nga grupi hetimor bënë të ditur për gazetën “Panorama” se ngjarja ka ndodhur në sy të tre fëmijëve të vegjël, të cilët ndodheshin në dhomën e gjumit, por janë zgjuar nga debati që ishte ndezur mes prindërve të tyre.

Kanë qenë fqinjët ata që lajmëruan Policinë, e cila mbërriti në vendin e ngjarjes, por gjeti vetëm viktimën, pasi 45-vjeçari ishte larguar me automjetin e tij në drejtim të paditur.

DESHMIA 

“Jam penduar shumë për veprimin tim. Nuk duhet të kishte ndodhur kjo, nuk duhet të kisha qëlluar mbi Manjolën. Fëmijët e mi ngelën rrugëve tani. Jam shumë i dëshpëruar. Tentova disa herë të vetëvritesha, por nuk ia dola. Sherri i fundit ndodhi pasi prej kohësh kishim debate. Kisha dyshime se ajo fuste njerëz të tjerë në shtëpinë tonë, ndërkohë që unë isha në Greqi. E kishte kthyer shtëpinë në shtëpi publike, fuste brenda lloj-lloj njerëzish aty. I kërkova të mos e bënte më këtë veprim, por sapo unë ikja në Greqi, më thoshin njerëzit se ajo vazhdonte të fuste njerëz të panjohur në shtëpi. Për këtë arsye u ktheva nga Greqia. Gjatë kësaj kohe debatonim shpesh. Mbrëmë (parmbrëmë) situata doli jashtë kontrollit dhe unë e qëllova me thikë. Nuk mendova se ka vdekur, pasi e lashë të shtrirë në tokë. Nga mediat e dëgjova që kishte ndërruar jetë. Më vjen shumë keq, sidomos për fëmijët që mbetën në mëshirë të fatit”, ka deklaruar për hetuesit e Policisë 45-vjeçari.