Një organizatë kriminale me qendër në Malaga dhe Granada u godit nga policia spanjolle duke çuar në pranga gjashtë persona, pesë prej të cilëve me origjinë shqiptare dhe i gjashti spanjoll.

Organizata transportonte sasi të mëdha hashashi dhe marijuane nga Spanja në Itali, nëpërmjet kamionëve me funde të dyfishtë.
Gjatë operacionit të koduar “Límite”, janë zhvilluar kontrolle në tre shtëpi dhe në një depo industriale – dhe janë kapur 165 kilogramë marijuanë, 185 kilogramë hashash.

Gjithashtu, policia ka sekuestruar edhe një dy pistoleta gjysmëautomatike, një automjet i nivelit të lartë, i cili rezulton i vjedhur, një kamion frigoriferik me rimorkio me fund të dyfishtë, një furgon dhe tre vetura pasagjerësh.

Hetimi, i kryer së bashku nga hetuesit nga krimi i organizuar dhe grupet e narkotikëve në Stacionin Vendor të Policisë Fuengirola, filloi si rezultat i disa informacioneve që tregonin se si një rrjet kriminal merrej me trafik droge, duke pasur bazë logjistike qytetet në provincat e Malaga dhe Granada.

Në vijim të hetimeve, agjentët zbuluan dy ndërtesa të përdorura si bazë për grumbullimin e drogës, në Colmenar (Málaga) dhe Granada , dhe një bazë të tretë të operacioneve në një depo industriale në Mollina.

Katër nga të arrestuarit u kapën në flagrancë në magazinën nën hetim kur ata dyshohet se futën substanca narkotike.

Më vonë, u arrestuan dy persona të tjerë, të cilët ishin në krye të ruajtjes së “çerdheve” të Granadës dhe Colmenar, duke ndërhyrë atje një pjesë të drogës së sekuestruar.

Atje u gjetën edhe armët si dhe 5,350 euro dhe materiale për mbjelljen e lëndës narkotike.

Gjykata vendosi që t’i lërë të gjithë të arrestuarit në burg. /S.Ll