Asnjë i mbijetuar nuk rezulton nga rrëzimi i aeroplanit në San Paolo, të Brazilit. Aeroplani me  62 persona në bord është rrëzuar në shtetin Sao Paulo, tha linja ajrore ndërsa presidenti, Luiz Lula da Silva, njoftoi gjithashtu se të gjithë pasagjerët dhe ekuipazhi në bord kishin vdekur.

Duke folur në një ngjarje në Brzilin jugor të premten pasdite, Lula bëri thirrje për një minutë heshtje për të fundit në aksident, pa dhënë detaje mbi burimin e informacionit të tij. 

Avioni ATR-72 i operuar nga linja ajrore Voepass Linhas Aéreas ishte duke u nisur nga Cascavel, në shtetin e Parana, për në Guarulhos, në San Paulo, kur u rrëzua të premten pasdite. Voepass tha se 58 pasagjerë dhe katër anëtarë të ekuipazhit ishin në bord.

Aeroplan sipas autoridteteve braziliane u rrëzua në qytetin Vinhedo – 76 kilometra larg kryeqytetit të shtetit, ndërsa në vengjarje janë dërguar ekipet e shpëtimit, fatkeqësisht pa të mbijetuar.

Sipas faqes së internetit Flight Radar, avioni po udhëtonte në 17,000 këmbë përpara se të zhytej 4,000 këmbë në dy minuta, dhe më pas sinjali i tij GPS humbi.

Një tjetër video tregonte flakët dhe tymin që dilte nga trupi i avionit, ku me sa duket ishte futur në anë të një shtëpie. Mbeturinat e djegura dhe të paktën një trup mund të shiheshin të shpërndara nëpër kopshtet e një zone të banuar, ndërsa automjetet e urgjencës mbërritën në vendgjarje.

Ana Lúcia de Lima, një banore e një kompleksi banesash aty pranë, tha se zhurma ishte aq e madhe sa "dukej sikur po binte në shtëpinë time ... Shpërthimi i parë ishte i fortë, tashmë po vinte tym i errët jashtë dhe më pas pati disa shpërthime të tjera”, raportuan mediat.

Forcat Ajrore Braziliane raportuan se kanë dërguar një ekip hetuesish në vendngjarje.