Një ngjarje e rëndë është shënuar ditën e sotme në Komisariatin e Fierit, ku një polic i ka dhënë fund jetës duke u vetëvrarë me armë zjarri.

Nga të dhënat e para të policisë, bëhet me dije se polici 46 vjeç Kastriot Tafa, pasi ka mbyllur turnin e shërbimit ka nxjerrë armën dhe ka qëlluar veten.

Deri tani nuk dihen rrethanat e plota të ngjarjes, ndërsa policia e Fierit thotë se ka nisur punën për zbardhjen e motiveve të kësaj ngjarje të rëndë.

“Në datën 24.04.2018, pasi ka mbaruar shërbimin, ka vrarë veten me armën e shërbimit Oficeri i Patrullës së Përgjithshme të Rendit, shtetasi K.F, 46 vjeç, banues në fshatin Seman, Fier.

Grupi hetimor po punon për zbardhjen e plotë të ngjarjes.”, thuhet në njoftimin e parë të policisë së Fierit. /55News.al/