Jeni aty, duke shikuar engjëllin tuaj të vogël në shesh lojërash, duke menduar sa të bekuar jeni që e keni. Papritmas, ngrit dorën e tij të vogël me grushtin e përgatitur – dhe e godet një fëmijë tjetër drejt në hundë.

Sado shokuese që mund t’ju duket agresioni është një pjesë normale e zhvillimit të fëmijës suaj. Aftësitë gjuhësore primitive, dëshira e egër të bëhet i pavarur dhe impulsiviteti i fëmijëve të kësaj moshë i shtyn ata të grinden fizikisht.

“Një shkallë goditjesh dhe kafshimi është krejtësisht normale, sepse 2-vjeçarët janë shumë të përqendruar në “unë” dhe “imja”, thotë Nadine Block, drejtor ekzekutiv i Qendrës për disiplinë efektive në Columbus, Ohio.

Kështu, sjellja e 2-vjeçarit tuaj mund të vërë në siklet dhe t’ju shqetësojë – dhe kjo sigurisht nuk është në rregull që t’i lëndojë fëmijët e tjerë. Kjo nuk do të thotë se ju duhet ta qortoni ashpër fëmijën tuaj.

 Duke e bindur vazhdimisht fëmijën tuaj të kuptojë se sjellja agresive nuk e privon atë dhe duke i treguar atij mënyra tjera për të shprehur ndjenjat e tij, ju mund ta ndihmoni të kontrollojë veten dhe të mësojë të luajë së bashku me të tjerët.