Kufoma e një gruaje është gjetur në një apartament në lagjen “Beqir Dardha” në  qytetin e Elbasanit. Rasti është denoncuar nga banorët mbrëmjen e djeshme të cilët nga brendësia e një apartamenti në katin e pestë kanë nuhatur erë të rëndë dhe të pakëndshme.

Pas hyrjes në apartament ku janë kryer hetime në praninë e oficerit të policisë gjyqësore, prokurorit dhe mjeku ligjor kanë gjetur një kufomë në fazën e dekompozimit të plotë.

Me urdhër të prokurorit kufoma e seksit femër është dërguar për identifikim dhe autopsi në Institutin për Mjekësi Ligjore. Sipas hetimit paraprak, në këtë apartament ka jetuar e vetme një grua e paralizuar rreth 70 vjeçe.