Pas lajmit se së shpejti do të rinis pagesa në rrugën e Kombit ka ardhur reagimi i parë i fortë nga Kukësi. Eshte kreu i këshilltarëve të PD, Arif Rexhmati i cili përmes një statusi në FB të shoqëruar me firmat e këshilltarëve të të gjitha forcave politike të 3 bashkive të qarkut, i bën thirrje kryeministrit Rama që të mos provokojë më me taksën. Zoti Rexhmati i kërkon Edi Ramës të kthej përgjigjie:
Ja statusi i Arif Rexhmatit në FB
Z.Kryeminister mos i provoko kuksianet me lajme te kazanit tënd mediatik, se së shpejti do te filloje taksa ne Rrugën e Kombit, por kthe pergjigje peticionit te firmosur nga 49 këshilltarët e Bashkive Kukes, Has e Tropojë.
- Z. Rama , ata këshilltarë te djathte e te majte se bashku me zgjedhësit e tyre janë te vendosur qe te mos tolerojnë ne kërkesën e tyre.
- Z. Rama, ju po mbani peng te frikës suaj edhe drejtësinë ndaj 4 kuksianeve qe mbahen padrejtësisht ne burg. Ata janë te pafajshëm dhe si te tille duhet te jene te lire.
- Z. Rama, lajme dhe veprime te tilla, ku ne thelb kane diskriminimin krahinor, nuk i shërbejnë integrimit europian përkundrazi janë shembull i qarte se kjo qeveri e PPP-ve është ne shërbim te konçensioneve dhe jo te qytetareve.
- Z. Rama , mos gabo për se dyti me kuksianet.
