Një aksident i rëndë ka ndodhur pasditen e sotme në aksin Fushë Krujë-Vorë, ku dy makina janë përplasur kokë më kokë me njëra-tjetrën.
Sipas informacioneve, shkak i aksidentit mes mjeteve “Ford” me targa DR 1631F dhe “Golf” me targa TR 9433 M, ishte një parakalim i gabuar, ndërkohë që të plagosur rëndë kanë mbetur 4 persona.
Të lënduarit janë dërguar me urgjencë për në Spitalin Ushtarak të Tiranës, ku momentalisht janë nën kujdesin e stafit mjekësor.
Sakaq policia ka mbërritur menjëherë në vendngjarje dhe po heton për aksidentin.
