Një shqiptar ka mbetur i plagosur si pasojë e një aksidenti të ndodhur mëngjesin e kësaj të mërkure në Itali.

Siç bëhet me dije nga mediat e vendit fqinj, një kamion ka përplasur një makinë, ku në të po udhëtonte një i ri shqiptar.

Mësohet se kamioni ishte duke shkuar për në Bergamo, por është futur në korsinë e gabuar dhe më pas është përplasur me makinën ku ndodhej shqiptari.

Përplasja ka qenë shumë e fortë, duke bërë që shqiptari të plagoset rëndë. Ai është dërguar në spital dhe ndodhet nën kontrollin e mjekëve.

Deri tani nuk dihet identiteti i shqiptarit, ndërsa policia ka nisur hetimet për të bërë të mundur zbardhjen e shkaqeve të këtij aksidentit. /55News.al/