Protestës së sotme që po zhvillohet për mbrojtjen e Teatrit Kombëtar nga shembja i është bashkuar edhe aktori Nertian Liçaj i cili ka folur mo një retorikë të ashpër ndaj qeverisë.

Ai është shprehur se duhet një ligj i ri për artin dhe kulturën me themele të forta. Ndërsa ka bërë thirrje që autoritet duhet të tërhiqen në të kundërt do të ketë luftë.

“Kur kjo qeveri ka ardhur me një platformë rilindje, kjo gjë duhet bërë. Duhet të hidhen themelet për ligjin dhe artin dhe kulturën.  Kur vjen puna për asgjësimin tonë, dua ti them një gjë që asgjësimin tim e vendos vetëm unë dhe  ai lart.  Kur vjen puna për asgjësimin tim dhe kolegëve tanë, ne do të nisin luftën nuk dorëzohemi, unë djalë ushtaraku dhe di një shprehej, “Dy duar për një kokë”, o të na vras o ta vrasim”- u shpreh Liçaj.