Fatos Lubonja i ftuar në emisionin “Studio e Hapur” ka folur për rezultatet e Vettingut dhe Reformës në Drejtësi duke e cilësuar si një refromë të dështuar e cila pritej.

Lubonja e argumentoi mendimin e tij se reforma është një dështim duke kujtuar kritikën e Komisionit të Venecias e cila e cilësoi si një reformë radikale që do çonte në destabilizim të gjyqësorit dhe në kapjen e sistemit të drejtësisë nga mazhoranca.

“Ky rezultat që quhet për mua dështim i Reformës në Drejtësi, pritej. Sic bëri Rama për të kapur pushtetet, edhe kjo ishte tentativë kapje dhe jo reformë e vërtetë. Por kujtoj kritikën e Komisionit të Venecias që thotë që një reformë kaq radikale ka shumë rreziqe dhe sjell destabilizim të gjyqësorit, dhe thotë edhe kapjen e sistemit të drejtësisë nga mazhoranca. Të gjitha po vërtetohen. Destabilizim i sistemit të drejtësisë”- u shpreh Lubonja.