Një 35-vjeçar nga Fieri ka rënë në prangat e policisë pasi është kapur duke drejtuar mjetin në gjendje të dehur.
Gjatë kontrollit të mjetit tip “Range Rover” personit emri i të cilit është Antonio Bregu i janë gjetur 70 000 euro në makinë të cilat dyshohet se vijnë nga veprimtari kriminale.
Antonio Bregu banues në lagjen “Kastrioti” në Fier ka qenë i dënuar në Itali dhe Zvicër për trafikim të lëndëve narkotike. Para 2 vjetësh ka dalë nga burgu në Zvicër.
Drejtoria Vendore e Policisë Fier – Seksioni i hetimit të ngjarjeve në qarkullimin dhe AIS
Specialistët e Sektorit të Qarkullimit Rrugor në Drejtorinë Vendore të Policisë Fier, arrestuan në flagrancë shtetasit:
- A. B., 35 vjeç, banues në Fier, pasi në lagjen "Kastriot" Fier, është kapur nga shërbimet e policisë duke drejtuar mjetin tip "Range Rover” në gjendje të dehur.
Gjatë kontrollit të mjetit, këtij shtetasi ju gjetën dhe sekuestruan në cilësinë e provës materiale një sasi Euro të cilat dyshohet se vijnë nga veprimtari kriminale. (Nenet 291 dhe 287 të Kodit Penal).
