Dita e parë e shkollës duket se do të jetë edhe një nga ditët më të nxehta të muajit. Duket se moti do të jetë i mirë në këtë ditë të parë.
Sipas Meteoalb, moti për nesër do të jetë i kthjellët gjatë paradites dhe me vranësira në pasdite.
Ja parashikimi i motit nga Meteoalb:
MOTI në ditën e parë të shkollës-17 shtator 2018:
Në të gjithë Shqipërinë moti dominohet nga kthjellimet deri në orët e pasdites kur vranësira kalimtare shfaqen gradualisht në të gjithë vendin.
TEMPERATURAT e ajrit do pësojnë një rënie të lehtë gjatë mëngjesit por mesdita sjell rritje të lehtë të temperaturave.
Konkretisht sipas zonave, të hënën temperaturat do të luhaten: 12 - 30°C në zonat malore; 19 – 34°C në zonat e ulëta; 20 - 32°C në zonat bregdetare.
ERA do fryjë e lehtë por deri mesatare gjatë pasdites, me shpejtësi 25 – 32 km/h nga drejtimi Veriperëndimor duke krijuar në det dallgëzim të ulët.
