Dy punonjës të një kompanie nafte në qytetin e  Delvinës kanë përfunduar në spital në rrethana ende misterioze.

Sipas njoftimit të Policisë Delvinë, ngjarja ka ndodhur dje kur gjatë punës në puset e naftës të një kompanie, shtetasit H.M., 62 vjeç dhe M.P., 26 vjeç, banues në Patos, Fier, nuk janë ndjerë mirë nga ana shëndetësore. Ata janë shoqëruar në spital për ndihmë mjekësore.

Nuk dihet ende se çfarë komplikacionesh kanë shfaqur dy punonjësit që punonin në puset e naftës jashtë qytetit të Delvinës prej disa muajsh. Policia ka nisur hetimet dhe po punon për sqarimin e rrethanave të ngjarjes.

Komisariati i Policisë Delvinë – Informacion paraprak

Më datë 16. 09. 2018, gjatë punës në puset e naftës të një kompanie, shtetasit H. M., dhe M. P., vjeç 62 e 26, banues në Patos, Fier, nuk janë ndjerë mirë nga ana shëndetësore, të cilët janë shoqëruar në spital për ndihmë mjekësore. Po punohet për sqarimin e rrethanave të ngjarjes.