Mungesa e transparencës në prokurimet publike, vijon të pengojë zhvillimin ekonomik në vendin tonë.

Shqipëria është një ndër vendet e listuara me një korrupsion të lartë në raportet ndërkombëtare, pothuajse në të gjithë sektorët përfshirë edhe atë ekonomik, çka do të thotë se në vendin tone ende nuk ofrohen rregulla të njëjta për të gjitha kompanitë e biznesit.
Po ashtu edhe sistemi politik duhet të jetë më transparent dhe të ofrojë besueshmëri. Ndonëse Shqipëria ka ndërmarrë hapa të rëndësishëm për rrugën e saj drejtë Bashkimit Europian, duke reformuar drejtësinë dhe administratën, mungesa e integritetit dhe  besueshmërisë në radhët e politikës  janë një tjetër pengës në këtë aspiratë.
Referuar indeksit të sundimit të ligjit 2017-2018, të publikuar nga “World Justice Project” vendi ynë renditet i 68 nga 122 shtete, ndërsa ka një renditje tepër negative   në treguesin e korrupsionit ku është e 93 nga 113 shtete të marra në studim.