Një sasi e vogël tritoli ka shpërthyer rreth orës 23:30 të mbrëmjes së kaluar, në oborrin që lidh dy banesat e gjyshit të Xhisiela Malokut dhe vëllait të tij, në Larushk të Fushë-Krujës.

Nëntë persona janë shoqëruar nga policia, e po merren në pyetje për ngjarjen. Në njoftimin zyrtar të policisë thuhet se tritoli është hedhur nga rruga, në oborrin e vëllezërve Besim dhe Ramë Muça, por nga shpërthimi nuk ka të lënduar e as dëme materiale.

Nuk dihet nëse ngjarja ka lidhje me denoncimin e Xhisiela Malokut për dhunë nga ana e djalit të deputetit socialist të Fushë-Krujës. Hetimet vijojnë dhe policia pritet të japë sqarime te mëtejshme në orët në vazhdim.