Këngëtarja, Elvana Gjata, është rikthyer në vëmendjen e mediave.

Këtë rradhë jo për komentimin e saj si mollë sherri në përplasjen me armë në Bllok që përfundoi me një të vdekur dhe dy të plagosur por me videoklipin e saj më të ri.

Këngëtarja shfaqet ekstravagantë në projektin më të ri muzikor që vjen si bashkëpunim me një nga producentët më të famshëm të Amerikës.

Kjo është shfaqja e parë në publik e këngëtares pas ngjarjes së rëndë në Bllok, ku komando Meviol Bilo vrau Fabian Gaxhën dhe plagosi Ervis Martinaj dhe Eljon Haton pas një sherri me armë në lokal.

Katër orë pas ngjarjes, rezulton se Elvana Gjata ka fluturuar drejt Vjenës, ndërsa rezulton e shpallur në kërkim policor pasi ende nuk e ka dhënë dëshminë e saj para hetuesve të ngjarjes.

Në kërkim janë shpallur dhe i dashuri i saj Ervin Mata dhe dy miqtë e tij Fabio Alushi dhe komandoja Meviol Bilo.