Një aksident i rëndë mësohet të ketë ndodhur mbrëmjen e sotme në aksin Pogradec-Lin, ku si pasojë e përplasjes së një motorçiklete nga një makinë, ka humbur jetën një person.
Sipas të dhënave të policisë, viktima është shtetasi me inicialet V.M. 41 vjeç, drejtues i motorçikletës.
Të njëjtat burime, bëjnë me dije se drejtuesi i makinës është shtetasi Aleksandër Seitllari, 24 vjeç.
Njoftimi i Policisë:
Pogradec
Informacion paraprak.
Pak minuta me pare ne aksin rrugor Pogradec-Lin, mjeti tip “Volkswagen” me targa AA 714 KO, me drejtues shtetasin Aleksandër Seitllari, 24 vjeç, ka aksidentuar shtetasin V.M, rreth 41 vjeç, banues në Buçimas, i cili drejtonte një motoçikletë.
Shtetasi V.M, pas mbërritjes në Spitalin e Pogradecit, ka ndërruar jetë.
Policia ka shoqëruar drejtuesin e mjetit dhe po kryhen veprimet e mëtejshme proceduriale.
U ngrit grupi hetimor dhe po punohet për zbardhjen e rrethanave të aksidentit.
