Nga Bardhi Spahia
Ne situaten katastrofike ku ndodhet shërbimi shëndetësor publik ne Shqipëri padyshim Urgjenca Mjekesore spikat si nder me problematiket. Një shërbim jetësor qe u shnderrua ne inekzistent nga fundi i vitit 2015 me krijimin e Urgjencës Kombetare. Nje raport i fundit i KLSH citon se; "auditimi ka zbuluar se në automjetet që përdoren si autoambulanca nga urgjenca mjekësore u mungojnë pajisjet bazë për të shpëtuar jetën e pacientëve.
Duke listuar disa nga problematikat e evidentuara KLSH thekson në raport se pacientët vazhdojnë të raportojnë se shërbimi që u ofrohet nuk është në kohën e duhur dhe me cilësinë e kërkuar kjo edhe për disa arsye:
1-Ende numri i autoambulancave është i pamjaftueshëm.
2-Shërbimi i urgjencës mjekësore nuk është i shtrirë në gjithë territorin"
Aktualisht nga 10 ambulancat e Spitalit te Shkodres njëra është krejtësisht jashtë funksionit dhe vetem 2 jane funksionale e plotësojnë kushtet minimale për te ofruar shërbim. Nuk jane te pakta rastet kur njerëzit kane humbur jetën për shkak te mungesave ne ambulancat e Urgjencës Kombëtare. Kaq do mjaftonte ta linte pa gjumë ministren dhe te kuptonte qe ka te beje me jete njerëzish. Ndërkohë Ministrja Manasterliu vazhdon shown ne spitalet e vendit. Sot me pafytyrësi ne Spitalin Rajonal te Shkodres shpalosi "strategjinë" për te stimuluar mjeket qe mos braktisin vendin. Realiteti është krejt ndryshe. Sondazhi me i fundit rezultonte me 78% te mjekeve qe duan te ikin jashtë vendit ku shumicën dërrmuese e përbenin specialistet
Ministrja Manastirliu bashke me shefin e saj Rama dhe anëtaret e tjerë te bandës "rilindja" do te mbahen mend si strateget e zbrasjes se vendit nga qytetaret dhe kryesisht nga rinia dhe intelektualet. Si kurrë me pare ne historinë e Shqipërisë këto 5 vite mjeket u denigruan dhe u detyruan te marrin rrugët e botes për një jete me te mire duke u kthyer ne simbolin e depresionit te thelle te shoqërisë tone dhe humbjen e shpresës për shqiptaret. Strategjia e vetme qe ka ofruar deri me tani ministrja dhe banda e saj është korrupsioni, paaftësia, bashkëpunimi dhe mbështetja pa kufi e krimit qe ka mbyt qytetin e Shkodres dhe mbare Shqipërinë dhe sulmi agresiv, selektiv dhe denigrues ndaj bluzave te bardha atyre pak mjekeve qe nuk kane ikur, qe nuk kane aplikuar ende si azilkërkues apo me keq akoma qe kane zgjedhur te kthehen ne Shqipëri. Mashtrimi, babezia dhe paaftësia janë simboli i "rilindjes" dhe kjo me mire se kudo shikohet tek shëndetësia.
