Ka përfunduar procesi i zgjedhjeve në të gjitha nivelet drejtuese edhe për degën e PD, Ura Vajgurore. Pas zgjedhjeve të krerëve të seksioneve dhe grupseksioneve, strukturat drejtuese kanë zgjedhur edhe kryetarin e degës. Në fund të procesit të votimit, fitues i degës së PD është shpallur Dritan Sula me 124 votat e delegatëve.
Pas zgjedhjes së tij në krye të degës, Dritan Sula ka falënderuar ata që i besuan drejtimin e PD përmes një postimi në rrjetin e tij social facebook në të cilin shkruan: - “Falënderoj nga zemra te gjithë demokratet dhe demokratet e Degës Ura Vajgurore. Je falënderim i veçante për delegatet e Kuvendit te Degës qe me miratimin e tyre me konfirmuan për një mandat te dytë si Kryetar Dege PD Ura Vajgurore. Është krenari për mua dhe për PD,është një shans shumë i madh qe te punosh me këta njerëz qe dhe pse pak kohe nga krijimi i Degës kemi pasur vetëm rritje dhe arritje. Po ashtu do te vazhdojmë dhe ne sfidën e radhës për fituar zgjedhjet vendore 2019. Falënderimet me te përzemërta për te gjithë demokratët e Degës Ura Vajgurore “.
