Një pjesë e studentëve protestues janë të vendosur për të vijuar të qëndrojnë përpara Kryeministrisë edhe në orët e mbrëmjes. Ata u bëjnë thirrje qytetarëve që t’u çojnë çadra, ndërsa një ditë më parë denoncojnë faktin se policia nuk i la të ndeznin zjarr në bulevard.

“Mbrëmë bëmë kërkesa për dru, sepse kishim ftohtë ndërsa një pjesë e qytetarëve u sensibilizuan për të na sjellë, por policia nuk ka lejuar për t’i ndezur. Çdo qeveri dhe çdo sistem ka barinjtë e tij, por nga ana e tjetër ka edhe kasapët e tij”, tha një studente.