Fruthi sa vjen e po përhapet në të gjithë botën. Dhe gjithashtu në Evropë. Sëmundja shkaktuar vdekjen e 110,000 njerëz në mbarë planetin në 2017, 30% më shumë se një vit më parë, sipas një raporti të botuar nga Organizata Botërore e Shëndetësisë. Situata është alarmuese edhe në kontinentin e vjetër, ku 60 mijë njerëz u prekën nga virusi në vitin 2018.
Situata po përkeqësohet në Evropë pas rritjes së lëvizjes kundër vaksinës, mbështetur nga avancimi i partive populiste, sipas një sondazhi të botuar nga “The Guardian”. 60,000 raste të këtij viti në Evropë janë më shumë se dyfishi i vitit 2017 dhe numri më i madh që nga fillimi i shekullit. Vdekjet ishin 72, dyfishuar në krahasim me vitin 2017.
Sipas studimit të nënshkruar nga OBSH, në Mbretërinë e Bashkuar në vitin 2016 kishte 14.4 raste për milionë banorë me 92% vaksinime; në Serbi, me një normë prej 86% rastet ishin 640 për milionë. Në Itali, pas rënies së vaksinimit në vitin 2014, rastet kanë shkuar nga disa dhjetëra në qindra çdo muaj.
Alarmi i ekspertëve të Bashkimit Evropian tashmë ka rënë: Vitenys Andriukatis, Komisioneri i Shëndetësisë në Bruksel, flet për “papërgjegjshmërinë” e populistëve që nisin “mesazhe shumë të rrezikshme” duke përhapur dyshime për efektivitetin e vaksinave. Dhe “Guardian”, në mënyrë eksplicite citon Lëvizjen 5-Yjet, e cila propozoi në 2015-ën ndalimin e vaksinave për sëmundjet e dyshuara si të rëndësishme, si leuçemia, imunosupresioni, mutacione gjenetike, autizëm.
Nga ana tjetër, raporti i OBSH e fut Europën, përveç Amerikës dhe Mesdheut Lindor, në mesin e rajoneve ku sëmundja është rritur më së shumti. Sipas OBSH-së, më shumë se 21 milionë njerëz janë shpëtuar nga vaksinimi që nga viti 2000.
Raporti thekson se mesatarja botërore për dozën e parë të vaksinës është 85%, ndërsa për të dytën, e nevojshme për të garantuar imunizimin, ne jemi në 67%, përcjell GSH.
“Kthimi i fruthit është një problem serioz, – tha zëvendësdrejtori i OBSH-së, Soumya Sëaminathan, – me shpërthime në të gjitha rajonet, madje edhe në vendet që kishin arritur ose ishin gati për të arritur eliminimin. Pa përpjekje për të rritur mbulimin dhe për të identifikuar popujt me nivele të papranueshme të fëmijëve të pavaksinuar, ne rrezikojmë të humbim dekadat e përparimit”.
