Vazhdon revolta e banorëve të Astirit, të cilët kundërshtojnë zbatimin e projektit të Unazës së Madhe.

Ata edhe pse është dita e parë e vitit kanë vendosur të mos ndalen.

Për 59 ditë radhazi, banorët e Astirit kanë bllokuar rrugën me pankarta në duar duke bërë thirrje.

Ashtu si në ditët e tjera edhe mbrëmjen e sotme vihet re prezenca e deputetëve të opozitës si Klevis Balliu, të cilët janë shprehur të vendosur gjithashtu të mbështesin protestën.

Banorët e Astirit kërkojnë dëmshpërblimin me vlerën e tregut të banesave që preken nga projekti i Unazës së Madhe.