Pas festave të fundvitit, studentët i janë rikthyer këtë të hënë protestave. Zgjidhjen e dhënë nga kryeministri nuk e pranojnë pasi e duan me votën në parlament dhe jo me vendim të këshillit të ministrave. Në protestën e sotme ata kanë ftuar të gjithë qytetarët që duan të protestojnë për të drejtat e tyre.

Ora 10:29 Mbërrijnë para kryeministrisë edhe studentët e Inxhinierisë, Fakultetit të Shkencave Natyrore dhe ato të Shkencave Sociale

Studentja për gazetaren e Ora News, Fjorela Beleshi: "Protesta besoj se do të vazhdojë deri në orën 14:00. Do të ketë shumë surpriza".

Ora 10:18 Ka nisur protesta e studentëve para Kryeministrisë. Ata apelojnë qeverinë dhe kryeministrin Rama të anulojë ligjin për arsimin e lartë.

"Kërkesa bazike, protesta legjitime" thërrasin ata në kor.