Një super grabitje ka ndodhur në mëngjesin e datës 2 janar të këtij viti në një argjendari në qendrën tregtare City Park. Argjendaria është grabitur nga disa persona të maskuar dhe të armatosur. Report Tv ka siguruar pamjet e argjendarisë që është grabitur në qendrën tregtare në Tiranë. Bëhet fjalë për argjendarinë “Altınbaş”.

Vlera e bizhuterive të grabitura llogaritet më shumë se 200 mijë euro. Autorët kanë arritur që të neutralizojnë rojën dhe më pas kanë hyrë brenda duke thyer xhamin e derës dhe marrë bizhuteritë.

Pavarësisht se bëhet fjalë për një ngjarje të rëndë dhe grabitje të niveleve të larta, policia ka fshehur krimin. Policia nuk e ka publikuar në asnjë komunikatë grabitjen si edhe është përpjekur që ta mohojë edhe zyrtarisht.