Banorët e Astirit kanë zgjedhur të ndryshojnë “kurs” të protestës së tyre. Ata të shoqëruar edhe nga deputeti i Partisë Demokratike, Klevis Balliu do të marshojnë pas pak minutash drejt shtëpisë së kryeministrit Edi Rama në Surrel.
Por kjo nuk i ka pëlqyer Edi Ramës i cili ka nxjerrë gardistët për të kërcënuar banorët. 

Një punonjës i gardës ka debatuar me deputetin e PD-së, Klevis Balliu, të cilit i ka kërkuar që të mos protestojnë aty, pasi sipas tij është një pronë private.

Nga ana e tij, Balliu u shpreh: ‘Ne kemi ardhur paqësisht. Kjo është protestë paqësore.

Mos na detyroni të përballemi në mënyra që nuk i shkon përshtat një vendi siç është Shqipëria. Ne mendoj se e kemi kryer detyrën tonë për sonte’.

Më tej ai paralajmëroi Ramën duke thënë: ‘Nëse nuk na dëgjon, ai do të na ketë sërish këtu’.