Ka nisur me tensione dita e 69-të e protestës së banorëve të Astirit, ku një pjesë e tyre janë përplasur me persona të cilët i cilësojnë si provokatorë. Dorian Protoduari u shpreh se shefi i komisariatit numër 6 po kërkon që të përçajë protestuesit.
“Vijnë këtu dhe përplasin shoferët me ne. Lleshaj ka sjellë policinë tek ne. Këtë e bën shefi i komisariatit numëe 6 sepse do që të na përçajë. Çfarë është kjo zgjidhje që të vriten njerëzit. Ku është ky popull, të zgjohen nga gjumi. Zgjohuni se po na burgosin, se po ngremë zërin kundër qeverisë. Të hidhen të gjithë përpjetë, sepse unë jam në të drejtën e zotit. I ka ardhur fundi Edi Ramës, nuk të do më njeri. Shporru nga ky vend.”- u shpreh ai.
