Policia e Gjirokastrës ende nuk ka ndaluar autorët që grabitën një biznes në Memaliaj.
Pronarja Thëllëza Mustafai rrëfen momentet e terrorit dhe kërcënimit nga grabitësit.

Gruaja që u sulmua nga grabitësit një ditë më parë në Memaliaj është ende e tronditur. Ajo thotë se autoret ishin dy persona të maskuar dhe pasi hynë në dyqan kërkuan lekët.

Njëri prej tyre qëlloi me tytën e pistoletës tregtarin Mustafa Mustafai.

Kurse e shoqja Thëllëza tentoi t’i heqë kapuçin tjetrit, raporton abc.

Ky i fundit e goditi me armë në kokë. Më pas ata u largua nga dyqani me një makinë të bardhë.

70 vjeçari dhe bashkëshortja pasi morën ndihmën mjekësore në spital u larguan për në shtëpi. Shuma e grabitur sipas policisë është 500 mijë lekë të vjetra dhe një telefon. Policia e Gjirokastrës shoqëroi disa persona, por ende nuk ka ndaluar autorët e grabitjes.