Deklarata vjen si konkluzion i një vizite dyditore në Tiranë të përfaqësuesve të biznesit nga Gjermania dhe vendet nordike.

Eksperti gjerman Martin Henze, deklaroi se investimet e qeverisë duhet të fokusohen në ngritjen e infrastrukturës së nevojshme, veçanërisht për sektorët me interes strategjik si logjistika dhe transporti i mallrave.

Sipas ekspertit gjerman, rritja ekonomike në Shqipëri nuk është faktike dhe e kanalizuar në drejtimet e duhura, diçka që duket qartë nga niveli i varfërisë dhe largimet masive të shqiptarëve.

Sipas tij duhet një vëmendje më e madhe për arsimin, sipas kërkesave të tregut. Sa i takon temës së PPP-ve, ekspertët deklaruan se kompanitë e huaja nuk afrohen pasi nuk u është ofruar një mundësi nga qeveria.