Banorët e “Astirit” vijojnë protestat e tyre kundër shembjes së banesave dhe bizneseve të cilat preken nga projekti i “Unazës së Madhe”, ndërsa tashmë kanë kaluar më shumë se 3 muaj në rrugë.

Banorët të cilët kërkojnë tashmë jo vetëm dëmshpërblim në vlerë 100%, por anulim të plotë të projektit, pasi sipas tyre është korruptiv.

Ata paralajmëruan Kryeministrin Edi Rama se nëse ai dhe autoritetet do të tentojnë të prekin pronën e tyre do të përballen me rezistencë të fortë. Më tej i bënë thirrje opozitës që të marrë frenat në dorë dhe të organizojë qytetarët kundër kësaj qeverie.

Banorët paralajmëruan kryeministrin Edi Rama, teksa i thanë se me hir a me pahir do ta rrëzojnë.

“Edhe kur të them të marrtë dreqi, e them në kuptimin thirri menjes o rrotë”, ndërsa i tha Lulzim Bashës, “nëse ju atë ditë do të largoheni pa rrëzuar Edi Ramën, unë për vete do të shkëpus çdo lidhje me ju”. Pas kësaj protestuesit brohoritën në kor, “Bravo!”.

Të pranishëm në këtë protestë edhe sonte kanë qenë deputetët e opozitës, të cilët bënë thirrje që të gjithë shqiptareët të bashkohen me 16 shkurt për të rrëzuar Edi Ramën, pasi sipas tyre për aq kohë që ai vijon të jetë në pushtet nuk do të ketë drejtësi.