Studentët dhe banorë të Shkodrës u ngritën pas denoncimeve të ditëve të fundit ndaj policëve për ngacmime seksuale.

Dy ditë më parë në media dolën videot e një efektivi në Gruemirë të Shkodrës, i cili pretendohet se ka ngacmuar seksualisht një vajzë 15- vjeçare, ngjarje kjo e cila është nën hetim.

Ndërsa dje në ambientet e Fakultetit Juridik, po në Shkodër, një efektiv i veshur civil dhe me armën e shërbimit ka hyrë në mjediset e godinës dhe në afërsi të banjove ka ngacmuar studenten dhe pedagogen.

Studentët nuk e kanë lejuar efektivin të dalë nga godina dhe kanë lajmëruar forcat e policisë të cilët kanë bërë shoqërimin e këtij të fundit.