Bulevardi “Zog I” është ndërtuar në vitin 1931. Deri në vitin 2004, ai i qëndroi kohrave. Cilësia e lartë e punimeve bënë që ai të duronte Luftën e Dytë Botërore, komunizmin dhe 1997-n. Në vitin 2004 nisën punimet për rehabilitimin e tij. Firma fituese kishte vetëm pak ditë që ishte licencuar. Kryetari i Bashkisë së Tiranës, Edi Rama me mburrje gjeli deklaroi se vetëm pas 70 vjetësh do të mund të rehabilitohej bulevardi “Zog I”. E si mallkim i keq, nuk u deshën 70 vjet, apo 70 ditë, por ditën e dytë, bulevardit filluan t’i lëvizin pllakat. Një punë e dobët që duhet të kishte një skuadër në burg, nisur nga Edi Rama e gjithë vartësit e tij. Asgjë nuk ndodhi sepse këta e kishin zgjidhur duke kapur prokurorinë. Tanimë, glasën që ka bërë Edi Rama do mundohet ta fshehë me kosto të madhe Erion Veliaj. “Tenderi” do qëndrojë i hapur deri në datë 11 prill, ditën që kujton largimin nga kjo botë të “komandantit legjendar”. Deri në marrjen e shumës nga ndonjë komisar partie, po luhen lojëra të tilla me 70.3 milionë lekë. Do shohim.