Anëtarët e një bande shqiptare dolën përpara një gjykate në Belgjikë, të akuzuar se kanë mbjellë së paku gjashtë plantacione me kanabis.
Pas operacionit të policisë u gjetën 4500 rrënjë kanabis, mes tyre edhe në lokalin e striptizmit Exit në Aarschot.
13 persona janë arrestuar dhe kanë dalë përpara gjykatës.
Në krye të bandës ishin vëllezërit shqiptarë, Adrian dhe Sajmir Z., 32 dhe 36 vjeç. Mes të arrestuarve është edhe striptistja Eleni R.
Ata e kishin rrethuar vetem me njerëz të afërm të fisit nga Shqipëria. Ata mbikëqyrnin procesin në plantacionet e kanabisit.
Të dy vëllezërit rrezikojnë deri në 6 vite burg.
Ata kanë kërkuar shtyrjen e vendimit, ndërsa avokati mbrojtës tha se hetimet janë bazuar vetëm në përgjime telefonike.
