ANGLI– Partia Laburiste për shumë dekada ka pasur një numër të lartë deputetësh në Parlament por sot ajo shënoi një humbje të tmerrshme në zgjedhje. Mengjesin e së premtes kjo parti do të fillojë të analizojë arsyet që çuan në këtë situatë dhe debati kryesor ka mundësi që të ndikojë tek mënyra si kjo parti do të shkojë në të ardhmen në zgjedhjet Kombëtare.

Le të shohim më poshtë arsyet e humbjes së kësaj partie:

Kandidati Jeremy Corbin

Corbyn ishte një nga kandidatët me numrin më të ulët të pëlqimeve në internet gjatë fushatës elektorale. Në Londër njerëzit kuptuan se antisemitizmi dhe mungesa e apologjisë janë thelbi i kësaj situate. Corbin shihet fajtori kryesor për një rezultat të tillë.

“Aktet personale të Corbin janë përgjegjëse për një rezultat si ky i sotmi”, Ruth Smeeth, kritike e Corbin

“Zgjedhjet ishin të vështira dhe popullariteti i Corbyn ishte jashtëzakonisht i ulët.” Toby Perkins, deputet i Chesterfield

Programi politik

Programi i partisë Laburiste përmbante një numër shumë të madh premtimesh politike si: koha për ndryshim, kujdesi pa pagesë ndaj të moshuarve, tarifa zero për universitetet, e drejta e votës në moshën 16 vjeç e shumë e shumë të tjera. Kandidatët e partisë u përpoqën të komunikonin me të gjithë sektorët e shoqërisë.

Burime nga partia e Punës u shprehën se problemi nuk qëndronte tek njerëzit pasi ata i pëlqyen këto premtime, problemi qëndronte tek numri i lartë i tyre gjë kjo të cilën njerëzit nuk e preferonin. Madje dhe një sërë shërbimesh me kosto zero të cilat përmendeshin në program nuk patën aspak popullaritet. Njerëzit e konsideronin këtë si një luks të çuditshëm dhe nuk arrinin të kuptonin pse po u ofroheshin të gjitha këto.

Programi ishte shumë i gjatë dhe shumë i detajuar. Ky program mund të realizohet vetëm për 10 vjet por jo nga qeveria.

Jon Lasman , lideri i fushatës elektorale të Corbyn 

Strategjia e Brexit.

Udhëheqësit e  Partisë Laburiste menjëherë fajësuan Brexit-in për lënien në hije të axhendës së tyre radikale ndërsa të tjerë besojnë se marrëveshja me Bashkimin Europian është ende e paqartë.

Marrëveshja me BE duhet të ndryshojë. Ajo duhet negociuar përsëri brenda një afati kohor prej 3 muajsh dhe më pas brenda 6 muajsh njerëzit duhet të votojnë. Edhe përqasja e Partisë Laburiste me Brexit-in ishte sipas politikanëve të kësaj partie.

Të injorosh dëshirat e 17.4 milion votuesve nuk është një ide e mirë. Të jem i sinqertë, të injorosh demokracinë ka pasoja të cilat gjithmonë bien mbi njerëzit.

Ian Lavery, deputet i Partisë Laburiste

Rënia e “murit të kuq”.

Gjatë zgjedhjeve, Konservatorët dhe partia e Brexit u shprehën se Partia Laburiste nuk e kishte marrë aspak në konsideratë ndihmën e dhënë nga klasa punëtore. Pavarësisht premtimeve që u bënë për të taksuar bilionerët dhe për të financuar investimet në shërbimet publike, Laburistët dështuan për të bindur votuesit e qyteteve që janë prodhues të qymyrit apo çelikut. Kritika të forta ka pasur edhe ndaj Corbyn i cili duke qënë se i përket një shtrese ekonomike mesatare nuk u paraqit personalisht në asnjë komunitet të klasës punëtore, pavarësisht politikave që përmbante programi i partisë së tij.

Strategjia e zgjedhjeve.

Strategjia e zgjedhjeve në Britani rezultoi jo e suksesshme. Pritshmëritë e Laburistëve ishin që të fitonin bindshëm në zgjedhje dhe misioni i tyre ishte mjaft i zgjeruar. U zhvilluan disa mitingje si në Birmingham, Bristol por edhe në vendet e vogla si Telford, në jug të Middlesbrough dhe në lindje të Cleveland. Disa aktivistë u shprehën se fushata e vitit 2017 e cila ishte edhe fushata më e suksseshme, rezultoi e tillë pasi strategjia që u përdor u fokusua tek fuqizimi i kandidatëve që ndiqnin politikat e programit të tyre. Strategji e suksesshme këtë herë ishte ajo e Boris Johnson i cili fitoi në Uxbridge dhe South Ruislip  si dhe Iain Duncan i cili fitoi përsëri në Chingford dhe Woodford Green.

(Përktheyer nga The Guardian)