Shkatërrohet një grup kriminal i trafikut të heroinës dhe kokainës në Greqi, arrestohen katër shqiptarë.
Katër shtetas shqiptarë dhe një grek komunitetit rom janë arrestuar nga policia helene në Selanik dhe Athinë gjatë një operacioni në bashkëpunim me DEA-n amerikane, raporton newsbomb.al.
Gjatë hetimeve u zbulua se shqiptarët operonin një laborator të përpunimit të drogës, si dhe shpërndanin kokainë në disa prej qyteteve të vendit fqinj.
Gjatë kontrollit në banesat e shqiptarëve u zbuluan 23 kg dhe 744 gram heroinë, si dhe dy pako me 414 gram kokainë. Gjithashtu u sekuestruan një sërë mjetesh logjistike dhe ambalazhe për paketimin e drogës.
