Në Mal të Zi vazhdojnë fërkimet dhe mosmarrëveshjet rreth ligjit për lirinë fetare, i cili në fund të dhjetorit u miratua mes protestash e akteve të dhunës në parlamentin malazez.

Kisha ortodokse serbe e mbështetësit e saj, organizojnë çdo ditë protesta, shpesh duke shkaktuar dhunë e incidente në qytetet e ndryshme të Malit të Zi.

Forcat e rendit, në disa raste, kanë ndërhyrë duke arrestuar me dhjetëra protestues. Ndërkohë, qëndrimet e zyrtarëve të Podgoricës me ato të Beogradit mbeten shumë të kundërta.