Ylli i instagramit shoqërohet jashtë avionit me maskë mbrotjëse dhe doreza, pasi bërtiti “Unë kam koronavirus”.

Xhejms Potok, i njohur në faqen e tij të instagramit me emrin Potok Filip, u arrestua të hënën pasi stafi i avionit WestJet që fluturonte nga Toronto për në Xhamaika u alarmua nga thirrja e tij. Avioni u kthye menjëherë mbrapsht dhe një fluturim I dytë u anullua si rezultat i këtij incidenti.

28 vjeçari u shpreh për City News se “ ishte thjesht një shaka”.

Gjithçka filloi kur avioni ishte në ajër dhe i riu u ngrit në këmb dhe thirri : “A mund të kem vëmendjen tuaj ju lutem? Unë sapo jam kthyer nga provinca Hunan , epiqendra e koronavirusit, dhe nuk po ndihem shumë mirë.”

Potok, një artist me famë në ngritje, i cili ka më shumë se 30.000 followers në instagram u vetëmbrojt duke thënë: “ Ishte thjesht një shaka. Nuk është se thashë që kam një bombë apo armë të ngjitura pas meje. Njerëzit e tepruan.”

“Unë u çova, nxorra kamerën time, gati për ta postuar videon në instagram. Doja që të bëhej virale.”

Brenda 15 minutash stafi i kërkoi të vendoste një maskë dhe doreza mbrojtëse. Potok shtoi: “Më vjen shumë keq për injorancën time. Duhet ta kisha kuptuar se është një epidemi dhe njerëzit e lidhin fjalën virus me kërcënime.”

“Mendova se thjesht do të nxisja një reagim te pasagjerët. Nuk besoja se do të konsiderohej e paligjshme.Tani që e mendoj, nuk ishte gjëja e duhur për tu bërë.”

Hetues nga departamenti I policisë konfirmuan se Potok u vizitua nga një staf mjekësor sapo arriti në aeroport dhe u kuptua se ishte i shëndetshëm.

Në 9 mars do të zhvillohet seanca gjyqësore ndaj Potok. Siç u mësua më vonë, pasi stafi informoi kapitenin, ai mori vendimin për tu kthyer. Një përfaqësues i stafit të avionit u shpreh: “Stafi ynë ndoqi protokollin e parashikuar për raste emergjente infeksioni.”

Pasagjerët ishin të gjithë shumë të shqetësuar. Një pjesë e tyre nuk e kuptoi arsyen e kthimit mbrapsht.

Një pasagjere tha: “ Djali mendoi se ishte një gallatë për të qeshur, por në fakt është e pakuptimtë. Ne të gjithë u irrrituam shumë. Është tmerrësisht egoiste nga ana e tij, që na bëri të përjetojmë moment të tilla paniku në ajër dhe të humbim një ditë nga pushimet tona."