Nuk do të ketë zgjdhje të reja për Komitetin Olimpik Kombëtar Shqiptar. Ky ishte vendimi I Asamblesë së Jashtëzakonshme, e cila kla vendosur në fundin e saj që zgjedhjet të zhvillohen pas Lojrave Olimpike. Ashtu siç pritej, nën një klimë aspak të qetë po zhvillohet Asambleja e Jashtëzakonshme e KOKSH. Komiteti Olimpik është përfshirë prej muajsh në një kaos të vërtetë si pasojë e përplasjeve në kupolën drejtuese, më saktë mes prsidentit Viron Bezhani dhe sekretarit të përgjithshëm Stavri Bello.

Akuzat dhe përplasjet kanë qenë të ashpra edhe gjatë zhvillimit të punimeve të Asamblesë, teksa përfaqësues të disa federatave kanë kërkuar largimin e tyre. Kjo kërkesë është marrë parasyesh nga Stavri Bello, që pas 23 vitesh në KOKSH ka prezantuar dorëheqjen e tij. Pas këtij vendimi, ai ka kërkuar që të njëjtën rrugë të ndjekë edhe presidenti Bezhani. Gjithsesi, në fund kërkesa e Bellos është rrëzuar, pasi Asambleja ka vendosur që kupola drejtuese e KOKSH të mos ndryshojë deri në zgjedhjet e reja.