Me shtimin e 11 rasteve të reja të konfirmuar pozitiv ndaj COVID-19, shkon në 197 numri total i të prekurve. Por një lajm i mirë vjen për të shëruarit nga kjo sëmundje.
Silva Bino e Institutit të Shëndetit Publik, bëri me dije sot se deri tani kemi 33 të shëruar që kanë rezultuar negativë edhe pas testeve të kontrollit.
Midis tyre janë 6 punonjës shëndetësorë. Saktësisht mes të shëruarve, tre janë mjekë.
"Deri tani kemi 33 të shëruar pas testeve të kontrollit të kryera kanë rezultuar negativë. Mes tyre janë 6 punonjës shëndetësor, 3 prej tyre janë mjekë. Ministria e Shëndetësisë dhe Mbrojtjes Sociale i drejtohet edhe një herë me një lutje qytetarëve: Mos shkoni menjëherë në spital! Nëse qytetarët kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127!" tha Bino.
Shpërndarja gjeografike e rasteve pozitive, është si vijon:
- Tiranë 113 raste
- Durrës 11 raste
- Lushnje 4 raste
- Elbasan 5 raste
- Rrogozhinë 2 raste
- Fier 21 raste
- Kavajë 4 raste
- Korçë 12 raste
- Vlorë 5 raste
- Shkodër 4 raste
- Lezhë 4 rast
- Berat 1 rast
- Has 2 raste
- Krujë 3 raste
-Tropojë 3 raste
- Pukë 3 raste
