Mali i Zi konfirmon zyrtarisht pacientin e parë me Linë e majmunit

Diel, 31 July 2022 13:19

 

Laboratori i Departamentit të Diagnostifikimit Molekular të Institutit të Shëndetit Publik të Malit të Zi njoftoi të dielën, 31 korrik 2022, se zbuloi dhe konfirmoi rastin e parë të lisë së majmunit tek një shtetas malazez.

Në njoftimin zyrtar thuhet se ky zbulim u bë bashkëpunim me Institutin e Virologjisë:

“Mali i Zi i është bashkuar kështu listës së 79 vendeve ku është regjistruar kjo sëmundje.

Janë marrë të gjitha masat e nevojshme për pacientin dhe kontaktet e tij, me qëllim parandalimin dhe frenimin e përhapjes së sëmundjes infektive të përmendur.

 

Gjithashtu janë njoftuar të gjitha institucionet kompetente në përputhje me protokollet kombëtare dhe ndërkombëtare.

Rasti i regjistruar është shtetas malazez dhe është në gjendje të mirë të përgjithshme.

Lija e majmunëve zakonisht fillon me ethe, dhimbje muskujsh, lodhje dhe dhimbje koke, dhimbje të fytit dhe kollë.

Gjithashtu, mund të ketë rritje të nyjeve limfatike (limfadenopati).

Në një periudhë prej 1 deri në 3 ditë (ndonjëherë më gjatë) pas fillimit të temperaturës, pacienti zhvillon të skuqura, që shpesh fillojnë në fytyrë (në 95% të rasteve) dhe më pas përhapen në ekstremitetet (pëllëmbët dhe shputat në 70% të rasteve) dhe pjesë të tjera të trupit (mukoza e gojës, organet gjenitale, konjuktiva, kornea).

Skuqja kalon nëpër faza deri te koret, të cilat përfundimisht bien. Sëmundja zakonisht zgjat 2-4 javë.

Instituti për Shëndet Publik i Malit të Zi u bën apel qytetarëve që të respektojnë masat parandaluese higjieno-epidemiologjike dhe të respektojnë rekomandimet e institucioneve shëndetësore.

Qytetarët këshillohen të mësojnë për vetë sëmundjen në faqen e internetit të Institutit malazez- ëëë.ijzcg.me dhe të konsultohen me mjekun në rast dyshimi për lisë së majmunit.

Instituti për Shëndet Publik i Malit të Zi do të vazhdojë të monitorojë situatën epidemiologjike në lidhje me linë e majmunëve dhe do të vazhdojë të informojë publikun në përputhje me rrethanat.

Login to post comments

Lajmet e fundit

Indrit Hoxha:Nga Vora gati per 11 shkurt ora 12:00 ne shesh!

Politikë

Indrit Hoxha:Nga Vora gati per 11 shkurt ora 12:00 ne shesh!

Kandidati i dale nga primaret qe do te perfaqesoje PD per Bashkine e Vores Indrit Hoxha ka dale me nje thirrje ne rrjetet sociale ku fton qytetaret e Vores dhe te...

Berisha: Çfarë kërkesash bëri McGonigal për SPAK-un e partisë?

Politikë

Berisha: Çfarë kërkesash bëri McGonigal për SPAK-un e partisë?

Kryetari demokrat, Sali Berisha, deklaroi dje se agjenti i diskredituar i FBI, Charles McGonigal ka zhvilluar takime edhe në SPAK. “Këtu McGonigal është përdorur nga Edi Rama për qëllime nga më...

Zbërthehet pastruesja: Alda më kërkoi t'i ruaja paratë që vinin me çanta, vjedhjen e inskenova

Politikë

Zbërthehet pastruesja: Alda më kërkoi t'i ruaja paratë që vinin me çanta, vjedhjen e inskenova

Zbërthehet pastruesja Rozeta Dobi, pastruesja e arrestuar për vjedhjen e parave në shtëpinë e ish-zyrtares Alda Klosi. Gazetarja Klodiana Lala ka siguruar për “BalkanWeb” dëshminë e plotë të pastrueses, e...