Një aksident ka ndodhur ditën e sotme në aksin Fushë Krujë- Tiranë, ku tre makina janë përplasur me njëra-tjetrën.

Siç bëhet me dije nga aksidenti kanë mbetur të plagosur dy persona, të cilët janë dërguar në spital.

Aksidenti ka ndodhur në afërsi të fshatit Larushk, ku të përfshira në këtë aksident janë makinat me “Fiat Punto’ me targë AA698 IP, një kamionçinë me targë AA 952 FZ dhe një fuoristradë me targë TR 5853 A.

Vendi ku ndodhi aksidenti është nja nga zonat më problematike të këtij aksi rrugor, ku vetëm një javë më parë humbi jetën një i ri.

Po ashtu, një ditë më parë, një tjetër aksident i rëndë ndodhi në këtë zonë, ku mbetën të vdekur 3 të rinj.