Pas lajmit për zhdukjen e shtetases austriake një ditë më parë është bërë e mundur gjetja e saj nga policia. Fatmirësisht ajo është në gjendje të mirë shëndetësore.

Policia e Vlorës bën me dije se shtetasja Adelt Wolper u zhduk dje, ndërkohë që pas kontrolleve mjekësore, gjendja e saj ishte e mirë. Në aksionin për gjetjen e turistes u përfshinë edhe banorë të zonës.

Njoftimi i policisë:

Pas njoftimit të marrë se në pyllin e Llogorasë ka humbur shtetësia austriake, A.W., 45 vjeçe, u ngritën grupe të posaçme forcash policore me qëllim kërkimin dhe gjetjen e saj.

Strukturat Policore të DVP. Vlorë së bashku me agjensinë e zonave të mbrojtura dhe në bashkëpunim me banorët e zonës, pas 9 orë kontrolli në një terren të vështirë dhe një situate meteorologjike jo të mirë në pyllin e llogorasë kanë bërë të mundur gjetjen e shtetases austriake shëndoshë e mirë.

Shtetëses A.W., i është bërë kontroll mjekësor, dhe aktualisht është në gjendje shumë të mirë shëndetësore. Policia e Vlorës falënderon të gjithë banorët të cilët bashkëpunuan dhe kontribuuan me ndihmesën e tyre.