Dita e sotme ka shënuar një mori aksidentesh ku më i fundit ka ndodhur në PoGRADEC, ku tre makina janë përplasur dhe si pasojë kanë mbetur të plagosur tre persona midis tyre edhe një i mitur.
Policia thotë se ngjarja ka ndodhur në në aksin rrugor Pogradec-Qafë Thanë në afërsi të fshatit Pojskë.
"Janë përfshirë në një aksident rrugor mjetet tip "Benz" me targa AA 891 ST, mjeti tip "Volksëagen" me targa TR1101N me drejtues shtetasin A.Ç, si edhe një mjet i parkuar me targa YZO 9396.
Për pasojë janë dëmtuar dy drejtuesit e mjeteve, si edhe një shtetas i mitur i cili udhëtonte në mjetin tip "Benz" me targa AA 891 ST", tha policia.
Të plagosurit janë transportuar në Spitalin e Pogradecit, për mjekim, ku ndodhen jashtë rrezikut për jetën.
Grupi hetimor në vendngjarje po punon për zbardhjen e rrethanave të aksidentit.
